الجمـــــــــــــــــره :(

#1 31-07-2008

مساء \\ صباح

الــخــــــيـــــر

هذه قصيدة الشاعر الكويتي المبدع: حامد زيد
لو تحدثنا عن إبداعه فلن نوفيه حقه ولو تحدثنا عن روعة إلقاءه فلن نوفيه حقه, ولو تحدثنا عن قصيدة فلن ولن يأخذ حقه, فسأدع قصيده يحدثكم, لكي تعيشوا روعة وأناقة شعر المبدع حامد زيد

اضغط هنـــــــــا

" الجمهرة "

إي بالله أخطو والخطا اللي جابهم عين الصواب ** مبطي وأنا أشوف الطمع يكشف زادهم وأستره

مايملي عيون الحسود بهالزمن غير التراب ** ومن لايتوب من الخطا تحرم عليه المعذرة

اللي من أولها خراب أكيد تاليها خراب ** والبندق اللي ماتثور بهدفها تذعره

ودك ليا من جاتك الغلطة من الناس القراب ** الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب ** قلطتهم صدري على ذكرى قصيد وحنجرة

صوتٍ يصول منبره وخطاب مامثله خطاب ** والطيبة اللي زعزعت صوت الخطيب ومنبره

مافي دمعٍ صوبوه أحبابي بوجهي وخاب ** ولا زرق حزني على غالي ولا فج أنحره

كل الزهاب اللي معي ذكرى من أصحاب الزهاب ** واللي بقا لي من عذاب أشرس طريقي وأخطره

لأني تجنبت الغرق, عديت من فوق السحاب ** لأن أكثر أصحابي ورق ماشفت للطيب ثمره

والله ماحطيت بين الحقد والخوة حجاب ** حتى غدو ربعي يحدوني على الضيق أشكره

البارحة ثارت علي أرقاب و آوتني أرقاب ** البارحة وياثقل دم البارح ويامحقره

أثر المصايب ماتجيك إلا من الناس القراب ** وبهالزمن حتى الخوي اللي تثق فيه إحذره

هٌب ياوجه الحسد وشلون جمعهم وغاب ** كيف السنين اللي عطتني بعثرتهم بعثره

لابارك الله في رقيقٍ تزعله كلمة عتاب ** ولاجمع الله الرجال اللي تفرقهم مره

الصاحب اللي مايجي من صحبته غير العذاب ** نذرٍ علي إن ماهجرني ولا أنا اللي بهجره

من يفتح لفرقاي باب أفك له عشرين باب ** وإذا خويي مايقدر خوتي ما أقٌدره

عودت نفسي كل ماشددت لليمه ركاب ** ماصدد وجهي عن طموح إلا لياجبت خبره

إن روٌحو فأنا بريء منهم ليوم الحساب ** وإن جرٌحو قولو لهم ماحركو فيٌ شعره

شفهم لهم حول السنة ولا خذو مني جواب ** أحسن دوا للي يستفزك تحقره

ماكنت أحاتيهم صغير, عاد أحاتيهم شباب ** الصاحب اللي مأذخره لليوم الأسود ما أذخره

شفني جمٌعت أوراقهم بكتاب وأغلقت الكتاب ** ياوقت لم اللي تلمه وأنثر اللي تنثره

اللي يخاف من الظما يترك لنا طرد السراب ** واللي ماهو بقد الظلام و وحشته لايسهره

عقب إكتئاب البارحة ماعاد أنا حمل إكتئاب ** الطيب جرجرني وأنا ماني بناقص جرجره

أنا تجرعت الظما لين إحترق وجهي وذاب ** أنا كسرت بخاطري قبل الصداقة تكسره

أنا خسرت اللي غيابه غير عن كل الغياب ** أنا غفرت لعالم ماتستحق المغفرة

أنا أكثر إنسان تعلم من كثر ما أخطا وصاب ** أنا آخر لسان يتكلم في زمان الثرثرة

أنا القصيد اللي فزع من دفتره مليون ناب ** وأنا الوحيد اللي جمع مليون ناب بدفتره

جفني وجرٌحه السهر وحيلي هدته الصعاب ** دمعي هدر, ضحكي ندر, عمري وضيعت أكثره

شيٌبت بعقول العرب, هيبت روسٍ ماتهاب ** جمخرة ناسٍ عمرهم مايعرفون الجمهرة

ماصرت ذيب إلا لأن اللي تحدوني ذياب ** ماكنت أغيب إلا لأن العفو عند المقدرة

ترا حلاتك لاحملت لصاحبك كلمة عتاب ** إن مانطقت بها بوجهه, ماتذمه بظهره

بهالزمن مايملي عيون الحسود إلا التراب ** ولا الحظيظ الطلقة اللي ما تصيبه تذعره

ودك اليامن جاتك الغلطة من الناس القراب ** الصاحب اللي ماكسبت محبته ماتخسره

وسلامتكم

اتمنى ان تنال على اعجابكم

ودي .. ووردي

انين الماضي

31-07-2008

مشششكوره انونه

لبى حامد زيد وقصايــده بس

هاذ1 من احلى قصايده كم مره سمعتهــآ

وقسسمن خوقااااق

تششكارت

تسلملي هالاياادي

تقبلي مرووري

..}

02-08-2008

وهـــــــــــــــ على حامد زيد وهــــــــــــــ

امووت انا فيه .. صدق هالشاعر اللي حاكم القاف ولازمه بين يديه ..

ما شفت شاعر .. في حياتي متحكم فالقصيده مثل حامد زيد .. لبى قلبه وصح السانه والله

وصح بدنك انتي انوونه على الموضوع الروووعه

04-08-2008

مشكووووووووووووووووووووووووووووووووووووووره انووووووووووووووووووووووونه
امووووووووووووووووووووت انا على قصايد حااااااامد زيد
وربي قصايده تهبل
يسلموووووووووو انوووووونه على المووووضوع