21-06-2011
|
| |
![Gifmini10[1]](http://www.llssll.com/vb/images/se2011/gifmini10[1].gif)
ظلموكي يا حبيبه الملايين
 مدخل ::
كم فكرت كثيرا.....بأن جميع شعوب العالم تشترك في مشروب مر يدعى القهوه ...
رغم اختلاف طريقه الاعداد......!!!!!!!
وكم فكرت بان جميع البشر ...يشتركون في كوب قهوه مر خاص يدعى المشاكل ...وان اختلفت الاسباب!!!!!!!!
فيه دراسات علميه كثيره تتناول القهوه........
بعضها قالت ان القهوه لها دور ايجابي وحلو في تحسين المزاج وتنبيه الحواس...
وغير كذا نقدر نحصل على كميه كبيره من مضادات الاكسده.....
وفيه بعضها قالت انوه مالازم نستهلك كميه كبيره منها
غير كذا فيه شائعات ومعلومات خطا عن القهوه حول تاثيرها على القلب ,ادمانها والاصابه بالحموضه.........
طيب وش اشهر هالمعتقدات الغلط عن حبيبتنا القهوه......
عندنا 8 معتقدات بنذكرها هنا ....وبنذكر وش الشي الصحيح المقابل لها
1~القهوه تضر بالصحه
الشي الصحيح علميا ان القهوه مو مضره}يعني خليتس مطمئنه من هالناحيه الاف الدراسات اثبتت انو شربها باعتدال امن تماما.... وحددت هالدراسات 3 الى 4 أكواب من القهوه في اليوم .........فيها 300 مليغرام من الكافيين }ترا الاكواب وسط او صغيره مو كوب كبر قريح........ 
2~القهوه تسبب الادمان
لا قليبي القهوه منبه خفيف وما يسبب الادمان........ القهوه تتمتعين بشربها واذا استمريتي بالتمتع فيها بتكون عاده..... القهوه معروفه بتاثيرها المنبه الخفيف .......الا ان هالشي مايمكن اعتباره موشرا ان القهوه تسبب الادمان..... هنا حشرت منظمة الصحه العالميه نفسها....وقالت انها سوت دراسات كثيره واتضح ان الكافيين لايوثر على الدماغ بالطريقه نفسها اللي تاثر فيها المواد المسببه للادمان وعلشان كذا ماتعد ماده تسبب الادمان >>طلعت براءه القهوه<<< طيب والاعراض الخفيفه للانقطاع عن تناول الكافيين والمتمثله في الصداع والخمول واللي تحصل للي متعودين على شرب القهوه......... قالت الدرسات انوه مابوه علاقه بكميه الكافيين اللي يستهلكونه يوميا......... ومافيه أي خوف من هاالاعراض دام انوه الاشخاص راح يقللون من تناول الكافيين تدريجيا....
3~القهوه تسبب جفاف الجسم
كثير من الناس يعتقدون ان الكافين الموجود في القهوه له تاثير كبير في ادرار البول....... الدراسات قالت لا..... ياخيه من قال مو صحيح ابدا هالكلام اذا شربتي قهوه باعتدال هالشي له نفس التاثير المدر للبول اللي يسببه شرب الماء!...... وقالت هالدراسات ان عندي لكم بشاره ...... ترا فيه اعترافات متزايده بانه شرب القهوه باعتدال ممكن يكون مصدر للسوائل في النظام الغذائي....... طيب وشلون تكون مصدر مهم........؟؟؟ الدراسات وضحت انوه يحتوي كوب من القهوه على حوالي 150 ملليمترا من الماءمايعادل 10%من كمية السوائل الموصى بتناولها يوميا من المشروبات وتظل الكميه الموصى بشربها يوميا هي 8اكواب من الماء النقي ......,...(((مو بكرا تطيحون بالقهوه وتقولون بدل الماء!!!!
4~ القهوه تسبب ارتفاع ضغط الدم
رجعت الدراسات وقالت انوه بوه تاثيرات جدليه للكافيين على ضغط الدم.. معظم الدراسات الرئيسيه الي اشارت لحدوث ارتفاع طفيف بضغط الدم بعد شرب القهوه كانت مرتبطه بالمستهلكين اللي مو متعودين على شرب القهوه وقالت انوه ممكن يتعودون عليها بسرعه مع الاستهلاك المتكرر ........ يعني بعد يومين او ثلاثه.... بالنسبه للي عندهم حساسيه ضد القهوه يخففون او مايشربون حسب حاجتهم للقهوه
5~القهوه تضر بالقلب
قالت الدراسات انوه شرب القهوه باعتدال في نظام صحي ومتوازن لا يرتبط بالاصابه بالاصابه بالامراض القلبيه..........وشرب القهوه لمرضى القلب باعتدال امن .....مايزيد معدل ضربات القلب في النهايه ينصح المرضى بالاستهلاك المعتدل,,,,,,,واستشارة الطبيب لتحديد كميه الاستهلاك اللي تناسبهم.....
6~القهوه تسبب الحرقه
الحرقه او الحموضه حاله شائعه لها عده اسباب مثل اكل االاكل الغني بالتوابل وبدراسه شملت 394مصاب بالحرقه ماكان فيه أي ارتباط بين معدل قوة وحموضه القهوه وحالات الحرقه اللي تم رصدها.......... بالنسبه للي يعانون من الحموضه او الحرقه او الحساسيه من شرب القهوه ........ يخففون الاستهلاك او اضافة الحليب او مبيض القهوه حسب درجة الحساسيه ..... ولازم يراقبون النظام الغذائي عندهم....
7~الحامل ماتشرب القهوه
قالت الدراسات ان شرب القهوه ماياثر على الخصوبه ومايأخر الحمل ومايؤدي الى أي عيوب خلقيه......................... وعلى كل باعتبار انوه امتصاص الكافيين في الجسم عند النساء الحوامل ............ ابطاء من العاده ........فما لازم الحامل تكثر من شربها يعني تستهلك حوالي 200 ملليغرام من الكافيين في اليوم ....(كوب الى كوبين) وننصح الحوامل انوه يستشيرون الطبيب او خبير تغذيه لتحديد كمية الاستهلاك المعتاد.......{عشان ورعها مايخليها صباحي وتبلش بوه امه...
8~االقهوه لها تاثير سئ على الاداء الذهني والجسدي
هنا فيه خبريه حلوه لمحبي القهوه...لان الدراسات قالت انوه القهوه معروفه بتاثيرها المنبه الخفيف...
فهو يساعد على التيقظ والتركيز .. ويقلل تاثير العوامل المحيطه في تشتيت الانتباه ويسرع في اوقات ردود الفعل .......................
بالتالي القهوه تقلل من الاجهاد الذهنيْ}انا اشهد انه تنفع لابغيتي تمخمخين
زياده على كذا قالت الدرسات ان الناس اللي يشربون القهوه يبدو انهم مرتاحين بشغلهم ومهتمين فيه اكثر}انا اقول ليه القهوجيه مهمين بالشغل اثاريه عشان الموظف يركز...<بالحيل ياشيخه
طيب يقولتس ان الكافيين الموجود بالقهوه يساعد على تجديد وحفظ الانتباه وتحسين الاداء والمزاج واثناء الدراسه تساعد مادة الكافين على رفع مستوى التركيز والتيقظ مما يعزز الانتباه وبالتالي يساهم في تحسين المزاج.....ومن ثم يزيد من كفاءة التعلم والتذكر ........ بالنسبه للي يسوون رياضه .......شرب القهوه باعتدال يعزز مستويات الطاقه في الجسم ........يحسن من الاداء الجسدي وبعد يخفف من الام العضلات بعد اداء التمارين الرياضيه
انتهى الموضوع .....وخلص قرقنا عن القهوه ....
مخرج ::
سارتشف كوب قهوتي المر من الحياه...واتلذذ به وأضيف له ماأشاء من السكر....
لاعيش حياتي كما اردت ان تكون رغم مرارتها.......
^
^
المصدر
<<الموضوع تم اقتباسه من مجلة سيدتي العدد 1490 لعام 2010
مع تحوير وتعديل اللغه واضافة معلومات اخرى حتى تقرونها بسلاسه ..ولغه قريبه منكم>>>
........عاد يالله قهووني ...ترا استاهل{:)
|
 |
العرض العادي
منتديات
حلم
