أشيل الصمت / يتساقط رحيلي وآخذ أحلامي
ـــــ إلى اللا روح تحضني .. من غيابي وتشريدك
عبث / آسف وطن لاتكتئب لو ماتت أوهامي
ـــــ لأن اللي زرع لعنه ضميرك خـان .. تشييدك
أشوفك في ملامحهم وتنمو .. طفله .. آلامي
ـــــ دخيلك .. لاتموت بعيني لا حانت .. تغاريدك
تعبت الليل يتجند معك .. ويشتت .. غْمامي
ـــــ خلاصه من طهر ذيك البقايا .. في مواعيدك
تضج المعمعه داخل عيوني / جرحي السامي
ـــــ وفى لك .. يتضح من صورته مخلص لتأييدك
أنا ماكنت أحسب أن الجروح تكسر عضامي
ـــــ لأني ماحسبت أفـ يوم أنـاظر دمعتي عيدك !
…………..
ليه أنكسر مثل القزاز
كل مرةٍ أبوح همّي .. وتسمعه ..
يا صاحبي ..
وش حاجتك في غرشةٍ
طاحت على أرضٍ عزاز ..
تجمع شظاياها بيدك ..
وش حاجتي في ما تجمعه ……..!!
…………….
هـذي هـي الدنيـا .. نصيـب ومقاديـر
وبعقل مـن يعـرف مداهـا .. قصيـره!
كـم غلفـت بالشـوك .. ورد المشاويـر
وكـم كفنـت بالجـرح .. قصـه مثيـره
يعني !! سلام .. ونلتقي بـك علـى خيـر
يعني !! وداع .. وكل شخص ومصيـره!!